Нуркачите од САЕ Тигар на МВР пред малку го пронајдоа телото на удавениот штипјанец и го извлекуваат на брегот на Дојранското Езеро.
Веста ја соопштија од МВР, откако по неколкучасовна потрага телото на удавениот штипјанец на 42 годишна возраст беше лоцирано во водите на Дојранско Езеро. Станува збор за И.З.(42) од Штип, со престој во Германија.
Несреќата се случи денеска околу 11:30 часот, кога во СВР Струмица било пријавено дека во Дојран, во непосредна близина на Градската плажа, едно лице паднало од педалинка во езерото и се удавило, а за настанот бил известен јавен обвинител.
Припадници на нуркачки тим од САЕ „Тигар“ при МВР пристигна на местото на несреќата и по преземени активности од нивна страна телото во 19.12 часот е пронајдено и извлечено од водите на езерото.
Смрт констатирал лекар од Итната медицинска помош, а по наредба на Јавен обвинител телото ќе биде предадено за обдукција.
Фото: МВР
