Околу 200 милиони Американци го чувствуваат ледениот стисок на големата зимска бура поврзана со најмалку 19 смртни случаи во пресрет на Божиќ, напиша Би-Би-Си во саботата.
Повеќе од 1,5 милиони луѓе останаа без струја, а илјадници летови беа откажани во петокот. Огромното невреме се протега на повеќе од 3.200 километри – од Тексас до Квебек.
Бомбашки циклон, кој се јавува при нагло опаѓање на атмосферскиот притисок, донесе снежна бура во Големите езера, лоцирани на границата на САД и Канада.
Температурата во Елк Парк (Монтана) се спушти до -45 степени Целзиусови.
Бафало, град во државата Њујорк, очекува најмалку 89 сантиметри снег. Националната метеоролошка служба извести дека видливоста на патот таму е нула.
Видеото е од страотната сообраќакна несреќа во Охајо каде осум лица загинаа поради ледените услови и невидливоста на патот поврзани со бурата.
