Оваа недела, 26 март на мото крос патеката Милци ќе се одржи Прваа трка од Македонскиот Мотокрос Шампионат во организација на МФСМ и Мотокрос Клуб Гевгелија. Патеката се подготвува за настапот во недела .
Се враќа ликот на Милци како што доликува. Организаторите очекуваат полни трибини. Веќе е објавена и стартната сатница која започнува од 12:00 часот, а резултатите треба да бидат објавени во 17:45 часот.
Гевгеличани уште еднаш ќе се потсетат на традицијата на мотокрос трките кај нас.
Почетоците на мото-кросот во Гевгелија датираат уште од 1986 година, кога на теренот покрај реката Вардар, после изградбата на автопатот, беше конструирана и официјално пуштена во употреба патеката „Милци“. Оваа патека ги исполнувала сите меѓународни стандарди за професионални натпревари.
Сепак, првата официјална мото-крос трка во Гевгелија се одржала на 17. ноември 1991 година, на која учествувале возачи од Турција, Србија, Бугарија и Македонија.
Од 1991 до 2008 година во Гевгелија, со поддршка од Општината, се одржале вкупно 27 трки, по 2 трки годишно, на пролет и есен.
Најуспешен натпреварувач од Гевгелија беше Мирче Ќорнаков, со освоени 6 титули државен првак на Република Македонија. Тој беше и првиот шампион во мото-крос во независна Македонија од 1991 година, како и добитник на „Златна кацига“ за освоени 3 и повеќе титули.
Во негова чест и за новиот мото-крос почеток на Милци со моторџии од Македонија, во недела бидете на Милци.
