И денеска традиционално како пред 7 децении наназад во с.Стојаково, општина Богданци се одржа Првомајските трки во чест на денот на трудот, зошто овде живее трудољубив народ кој одсекогаш стопанисувал и живеел од својот труд.
Најинтересни и никаде на друго место во државата, се трките со магариња, корисното домажно животно кое е често употребувано за запрега и помош на вредните земјоделски работници од овој крај, но има и трка со коњи, трки со вреки, борби со рака, влечење јаже, а годинава и трките со градинарска количка.
Најзахтевната трка е трасата од 3.000 метри која се трчаше од бензинската „Шимов“ до центарот на Стојаково. Овде прв на целта пристигна Ристо Чалков (време 11:27 min), зад него пристигна Влатко Семенаков (време 12:00 min), а со трето време до целта пристигна Никола Ковачев.
Пристигнувањето на Целта на првите двајца тркачи на 3.000 метри дочекани со овации од публиката во центарот на Стојаково.
Најинтересна за децата беше трката со вреќи, иако имаше и помали релации кои ги истрчаа различни возрасни групи од 7, 12 до 15 години.
Се’ на се ова беше уште еден успешен Првомајски ден во Стојаково, преку негување на традицијата со трки кои првпат беа организирани во 1951 гдина.
Месната заедница во Стојаково како организатор и Агенцијата за поддршка на туризмот во руралните средини на Македонија заедно со општина Богданци ги препознаваат своите идентитетски белези на посебност и направија уште еден успешен Мајски ден во Стојаково, ден за паметење на спортот, забавата за публиката и новите победници.
