МВР информира дека синоќа, на празничниот Први Мај (01.05.2023 г.) во 19:20 часот на Железничка станица Велес, полициски службеници од СВР Велес го лишиле од слобода А.А.(28) од Скопје, кондуктер во Железници на Република Северна Македонија.
Кај него биле пронајдени вкупно 1.000 евра за кои постои сомнение дека потекнуваат од кривично дело по член 418 – б од Кривичниот законик.
Претходно, околу 18:30 часот на Железничка станица Кукуричани, неготинско, во патнички воз, кој сообраќал на релација Гевгелија-Скопје, полициски службеници од Регионалниот центар за гранични работи Југ откриле две лица мигранти од Сирија. Во службен разговор во полициска станица тие изјавиле дека на кондуктерот му дале пари за да влезат во возот.
А.А. бил задржан во полициска станица и по целосно документирање на случајот, во координација со јавен обвинител, ќе биде поднесена соодветна пријава.
На кондуктерот, осомничен за криумчарење мигранти според Член 418-б му се заканува казна затвор до 10 години, затоа што делото го направил како службено лице.
Член 418-б:
„(2) Тој што врбува, превезува, пренесува, купува, продава, засолнува или
прифаќа мигранти, ќе се казни со затвор од една до пет години.
(5) Ако делото од ставовите (1), (2), (3) и (4) на овој член го стори службено лице во вршењето на службата, ќе се казни со затвор најмалку десет години.“
