Маж загина откако во него удри воз на железничката станица кај Градско
Возот сообраќал во утринските часови на релација Гевгелија – Скопје, а во мажот удрил на станицата кај Градско во околината на Велес. По ударот, тој починал на самото место, а неговата смрт ја констатирала екипа на Итната медицинска помош од Велес.
Случајот бил пријавен во 06:40 часот во СВР Велес, од страна на Македонски железници, кои ја известиле полицијата дека возот удрил човек во близина на Градско.
Регионалниот центар за управување со кризи (РЦУК) Велес известува дека станува збор за маж кој бил роден 1960 година. МВР известува дека несреќно загинатиот е Ф.С.(62) од Градско.
Екипи на Секторот за внатрешни работи (СВР) Велес и јавен обвинител вршат увид на местото на настанот.
Поради несреќата, железничкиот собраќај е во прекин.
Увидна екипа од СВР Велес извршила увид на местото во присуство на јавен обвинител, по чија наредба телото на починатиот било предадено за обдукција.
