Нашата атлетичарка на долги стази, Валентина Узунова, член на ЗПСК „Кожуф“ од Гевгелија се преориентира на планински трки и маратони, и во своите 50+ години реди и понатаму медали и трофеи.
Во саботата на првата организирана трка до врвот Љуботен (2.498 мнв) на Шар планина таа стаса со трето време во конкуренција на жени 50+ и освои Бронзен медал.
Должината на патеката е 23,5 км со висинска разлика од 1680 м D +/-. Тоа за Вале, иако тешка захтевна патека, не беше проблем да го истрча со насмевка за време од 4 часа 28 минути и 20 секунди.
Таа како при секоја своја трка и ова победа ја посвети за поддршка на заболените од Пулмонална хипертензија.
Стартот и финишот на трката беше од Старо Село, со почеток во 9 часот, во сабота на 16 септември.
Ова беше успешно претставување на тројца гевгелиски спортисти, кои се пријавија за учество на првата трка до Љуботен, „Ljuboten SkyRace 2023 “. Тоа се Мијалчо Андоновски, член на АК „7 Ноември“ и Методија Ичев член на ЗПСК „Кожуф“ Гевгелија. Сите ја истрчаа патеката долга 23,5 километри, а Вале се врати со МЕДАЛ за трето освоено место во својата категорија „жени 50+“.
Ете, така да знаете, спортски успеси може да се постигнуваат и после 50-тата.
