Жителите на Богородица во предвечерието на Рождеството на мајката на Исус, Богородица, синоќа имаа свое панаѓурско чествување на својата заштитничка со посета на тамошниот црковен храм, заеднички свечен ручек за сите жители и посетители, пуштање во употреба на новообновениот младински дом и богата културна програма.
Така славеа Богорочани синоќа, а денеска празнувањата продолжуваат, секоја домаќинска куѓа е отворена за добредојде и добронамерни честитки за здравје, за берикет.
Најпосетен беше новообновениот младински дом „Мите Танов – Коми“ каде беше изведена богата културна програма од локални изведувачи.
Објектот е реновиран со проект финансиран од Бирото за рурален развој (8,2 милиони денари) и средства од локалниот буџет на општина Гевгелија во износ од 2 милиони денари. Има нов лик, пространа сцена, ново осветлување, надворешна фасада и внатрешно уредување. Новореновираниот младински дом претставува модерен објект за одржување на јавни, младински и културни настани со кои ќе се збогатува севкупниот квалитет на културно живеење на жителите од ова населено место.
Еве дел од културната програма, настап на КУД „Негорци“ од Негорци, што е доказ дека младинскиот дом ќе биде место за културна презентација и зближување.
Локални изведувачи исто така ја збогатија сцената со својот настап:
Незаобиколна традиција е да се посети црквата во Богородица, да се запали свеќа за здравје и да се присуствува на свечениот ручек/вечера (се служи кој како ќе пристигне) кој го подготвува Црквата со помош на мештаните.
Нека е за аирлија денот Мала Богородица, да донесе здравје и бериќет на сите славеници на овој христијански празник!
