Овој ден е посветен за сеќавање на упокоените, личностите од животот кои не сме ги заборавиле, роднини, пријатели, познаници.
Таква почит денеска искажаа гевгеличани кон своите упокоени роднини и познаници, со посета на гробните места со лепче, вино и пченица.
Свештено лице изведувше молитвен помен за спокој на душите на упокоените, за опрост на гревовите што ги сторил во животот, волно, или неволно.
Овие обреди треба да нè потсетат на Христовите зборови дека житото носи плод само кога ќе умре, и тоа не во темница, туку во светлината на сонцето. Црвеното вино, со кое свештеникот го полева житото, ја означува Божјата милост со која се лекуваат раните на гревот.
Оние кои не се во можност да одат на гробиштата поради оддалеченоста, треба да одат во најблискиот храм и да извршат помен за своите покојни.
Бидејќи ова е денот кога посебно внимание се посветува на распределбата на милостина, задолжително е да се дава милостина на секој просјак што ќе го сретнеме и да дадеме дел од храната што сме ја зеле со себе.
Парастаси по повод задушница ќе бидат отслужени утре во манастирот „Свети Спас“ Гевгелија во 8:30 часот, а во 09:00 ќе бидат посетени гробните почивалишта на упокоените.
