Дваесети четиригодишната Македонската бодибилдерка Мери Акиевска освои Златен медал во две категории на светскиот шампионатот што се одржа годинава во Санта Сузана, Каталуна во Шпанија, во бодибилдинг и фитнес.
Инаку Акиевска трета година по ред е светски шампион во боди-билдинг и фитнес за 2023, 2022 и 2021 година.
Related posts
Таа на Инстаграм напиша дека е дека е горда на својата победа и благодарна што добила голема поддршка.
– „Чувството неможе да се опише, 4 пати ечеше химната на Македонија 4 пати капеа солзи од среќа. Македонија го освои Светското злато Јуниорска , Сениорска Категорија со две Апсолутни во двете категории. Луѓенца пресреќна сум , Ви благодарам на целосната подршка и што бевте покрај мене … Сега можам да одморам и да си каснам и јас малку вкусна храна годинава ја завршивме со многу златни титули благодарност на мојот Тренер. Бобан Ѓороски најпривин покрај него бев најдобар ученик и Шампион“, напиша таа.
Откако легнаа чувствата за остварениот успех Мери за магазинот „Фемина“ изјави:
– „„Израснав во семејно насилство. Мајка ми е борец, жена-кралица“.
Таа сподели дека израснала со татко алкохоличар и дека нејзината мајка ѝ е поддршка во секој нејзин подвиг.
– „Мене минатото ме направи тоа што сум денес. Да бидам толку силна, да издржам. Сите знаеме овој спорт колку е тежок, но за мене ова е нешто прелесно. Јас можам и уште потешко да издржам. Минатото ме доведе до тоа што сум денес, за да не се откажам и да го променам мојот живот колку можам. И чест и задоволство ми е што сама успевам и имам достигнато до тоа што сум денес.
Можам да кажам дека имам израснато во семејно насилство. Немаше мир. Татко ми беше алкохоличар. После некое време го изгубив и татко ми. Мајка ми ми е огромна поддршка и ден-денес за сите припреми. Таа жена е борец, жена-кралица можам да ја кажам. Премногу ми значи нејзината поддршка. Како самохран родител, таа многу има направено за мене. И јас за возврат ѝ носам сега среќа и се надевам дека е мотивирана и горда што има вакво дете како мене.
По потекло сум од Крива Паланка и одлучив да дојдам тука во Скопје затоа што во интернат имав повеќе услови отколку дома што имав во Крива Паланка. Таму живеев без струја и без вода. Немав услови за да се справам со тоа како ќе ме гледаат децата во школо. Бев како запоставено дете.
(Исповед за тешките услови во детството во 11та минута од видеото во прилог)
Мајка ми не дозволуваше да се двојам од останатите. Даваше сè од себе за да не се забележува дека нешто ми недостасува. Се дружев буквално со сите дечиња. И со тие што беа како мене случаеви и со тие што беа поимотни од мене. Немаше некоја разлика, освен јас во себе што размислував кога ќе си одам дома, како ќе учам во темно. Учев на свеќа.
Во школо сите си купуваа храна од продавница, од бурекџилница. Јас или носев од дома или мајка ми ги замолуваше некој да ми даде на вересија, за да имам да опстојувам.
Ова траеше со години, сè дури не дојдов тука. Никој не знаеше дека сум во таква ситуација, јас сум таков карактер, сè чувам во мене“, вели за „Фемина“ светска шамионка во бодибилдинг и фитнес, македонското девојче Мери Акиевска.
