Релативно младиот катаре клуб „Дојран“ од Дојран со само две години од своето постоење создаде млади каратисти кои се изборија за учество на Балканското првенство во карате што треба да се одржи во Турција, од 31 мај до 2 јуни во градот Истамбул.
Членови на детската репрезентација на Македонија од карате клуб „Дојран“ се: Катерина Донева, Љупчо Стоиловски, Ружица Донева и Идан Маневски, сите на возраст од 10 до 12 години.
Овие млади каратисти за ваков чин на успех се изборија на неодамна одржаното Државно првенство во карате за деца од 10 до 14 години што се одржа на 27 април во Гевгелија, во организација на КК „Армор“ од гевгелија и Карате федерацијата на Македонија.
Дојранските каратисти, за да станат новите патници-учесници на Балканско првенство, се изборија за овие пласмани:
– Идан Маневски 11г.🥈 – ВТОРО место Кумите машки 11 г. -45 кг.
– Љупчо Стоиловски 10г. 🥉 ТРЕТО- место – кумите машки 45+ кг.
– Катерина Донева 10 год. – ТРЕТО место – кумите женски 10 год. до -34 кг.
– Ружица Донева 12г. – 5-то место – кумите женски 13 год -44кг.
Тренер и посветен ментор на оваа успешна млада екипа каратисти е Лилјана Упчева и самата долгогодиен каратист и непобеден Државен првак на Македонија додека била активен учесник на натпреварите.
Таа за своите ученици-спортисти вели:
– „Горда сум што од КК „Дојран“ имаме четири членови на детската карате репрезентација кои ќе ги бранат боите на Македонија, а со тоа уште еднаш докажавме дека имаме квалитет во нашиот тим. Голема благодарност за родителите кои беа наша подршка цело време“, – истакна Упчева.
На Државното првенство во Гевгелија од КК „Дојран“ настапија пет деца-каратисти. Женскиот тим освои 4-то место екипно-женски, возраст од 10-11 години. Имаше и поединечни достигнувања:
– Шбанова Ѓокнур – 7мо место – Кумите женски 12 год. -40 кг.
Честитки за сите учесници и многу среќа за репрезентативиот тим на КК „Дојран“ на Балканско во Истамбул!
