По повод јубилејот, 20 години од основањето на фолклорниот ансамбл „Бојмија“ од Гевгелија, синоќа на сцената на Народниот театар Гевгелија беше изведен третиот по ред фолкорен концерт на славениците, неговите најмали членови, подмладокот, редовнниот состав, а славенички на сцената настапија и ветераните, тие кои ја започнаа оваа дводецениска „фолклорна приказна“ која уште трае.
Бројните играорци ги придружуваа и одличните инструменталисти со изведба на ората инструментално и во живо на сцената, што сиот сценски приказ го прави богат и со уметничка вредност.
Младите разиграни, момите гиздави и распеани, момците со ишарет кон девојчињата, младешката сила која го надвикува и тапанот, ги следи тактовите ко клавиришите на хармониката, веселба, веселба и исполнети срца убавина на задоволната гевгелиска публика.
Еве дел од настапите. Погледнете и уживајте:
Гевгелија расте со секој јубилеј, па и овој на ансамбл “Бојмија” по повод 20 години јубилеј, 20 години сценски настапи, 20 години негување на фолклорните традиции од Гевгелија и Македонија.
Да им се множат јубилеите и нас да не радуваат со македонски песни и ора!
