Карате силите на „Армор“ од Гевгелија викендов учествуваа на Интернационалниот карате турнир “Златен Куп Тетово” во Тетово организиран од страна на Карате Клуб „Шкендија“ и овде направија „берба“ на медали.
Деветмината учесници освоија 11 медали вкупно, едно ЗЛАТО, 6 СРЕБРЕНИ медали и 4 БРОНЗЕНИ, што е остварување на тимот од 122 од сто.
Најдобар резултат имаше Давид Аврамоски со освојување на ЗЛАТЕН медал во категоријата „Ката“ поединечно и СРЕБРЕН медал во категорија „Ката“ во поголема возрасна група.
Еве ги сите носители на медали:
● Ката поединечно:
Давид Аврамоски – ЗЛАТЕН медал 🥇
Давид Аврамоски – СРЕБРЕН медал 🥈
Јован Лазаров – СРЕБРЕН медал 🥈
Андреј Мишков – СРЕБРЕН медал 🥈
Ивона Данаилова – БРОНЗЕН медал 🥉🥉
Драган Костевски – БРОНЗЕН медал 🥉
Јована Дичева – БРОНЗЕН медал 🥉
● Ката екипно:
Јована Дичева – СРЕБРЕН медал 🥈
Симона Дичева – СРЕБРЕН медал 🥈
Тијана Гоцкова – СРЕБРЕН медал 🥈
Нашите натпреварувачки од Гевгелиски „Армор“ во категорија “Ката Екипно Женски” се пласираа за учество на Балканското првенство за кадети, јуниори и сениори кое ќе се одржи од 08.10.2024 до 10.11.2024 година во Сараево, Босна и Херцеговина.
Тренерот и ментор Ристо Брзанов им честиташе на сите учесници за успехот, со потсрек за уште работа, тренинг и нови успеси.
Честитки женскиот ката тим составен од девојките Јована, Симона и Тијана и СРЕЌНО на Балканско!
