Министерството за здравство информира дека согласно информации од Воено Медицинска Академија во Белград денеска претпладне, за жал, подлегна на повредите Стојанче Стефанов од Кочани, роден 2001 година.
Сериозни повреди на дишните патишта имал Стојанче Стефанов од Кочани, кој е 62-та жртва од пожарот во Кочани. Влошувањата на неговата состојба е поради сериозните опекотини на дишните патишта.
- „Пациентот поради тежината на повредите на белодробието и опекотините на кожата, одлучивме да го транспортираме во Воено-медицинската академија во Белград. Стефан беше интубиран и во критична состојба во изминатиот месец. Од Белградската ВМА претпладнево пристигна информација дека бил во критична состојба и на механичка вентилација. Влошувањето настанува во раните саати, пациентот им подлегнал на повредите во 11:15 часот. Комбинирани се тие повреди, изгореници од втор степен, но и сериозни опекотини на дишните патишта“, рече проф. д-р Андријан Карталов.
Во ВМА бил опериран на 4 април и поставен на ЕКМО апарат, преку кој се оксигенира крвта преку машина, заради вдишаниот чад. Но, заради сериозноста на повредите, тој поголем дел од хоспитализацијата бил нестабилен и во тешка општа состојба. Почина денеска по изминати месец дена од несреќната ноќ во „Пулс“.
Има уште двајца пациенти кои се во тешка состојба и се лекуваат во странство, но засега се стабилни.
Министерството за здравство изразува најдлабоко сочувство до фамилијата и до сите засегнати од трагедијата во Кочани.
Билансот на починати од трагедијата во Кочанската дискотека „Пулс“ изнесува 63 лица. Еден ден после 37 часа пренесување на повредените по болници и клиники почина и возачот на Брзата Помош од кочанската болница. Легна да одмори и не се разбуди, добил удар во сон.
