На свечената седница на Општина Гевгелија по повод општинскиот празник, 7-ми Ноември, беа доделени празнични „Седмоноемвриски Благодарници“ на граѓани кои во изминатиот период се истакнаа со својот труд и резултати во различни области, афирмирајќи ја Гевгелија.
М-р Влатко Семенаков, професор по Спорт и спортски активности и тренер по атлетика и тенис, го доби ова признание за континуиран придонес во спортот и афирмација на Гевгелија на национално и меѓународно ниво.
Тој има учествувано на бројни Државни и Меѓународни натпревари во: Грција, Србија, Хрватска, Италија и Македонија, меѓу кои ултрамаратони, триатлони, Балкански првенства и Меморијалниот маратон за Тоше Проески. Добитник е на Признанието „Плакета за најдобар спортист во 2024 година“ од порталот GevgelijaNet.com.
Во образложението за ова признание за М-р Семенаков од Општината наведуваат: „Со своето активно спортување и преку воспитување на младите спортисти, м-р Влатко Семенаков континуирано придонесува за афирмација на спортската култура и промоција на Гевгелија како град кој го вреднува трудот, посветеноста и постигнатите резултати во спортот. Неговата работа ја афирмира спортската култура во градот и го промовира како средина со посветени професионалци во спортот“.
Нашата редакција изразува задоволство што и после 11 месеци од прогласувањето на Семенаков за најдобар спортист од Гевгелија за 2024 година и доделена ПЛАКЕТА од порталот GevgelijaNet.com ова признание Семенаков го потврди и годинава на спортските терени, а Општината уште еднаш го вреднуваше како спортист за пример и достоен за „7-мо ноемвриска Благодарница“.
Честитки за м-р Семенаков, нека продолжи со спортските заложби и резултатите!
Спортската редакција на GevgelijaNet.com следејќи ги спортските настани во општината Гевгелија и регионот во текот на 2024 година, со се’ присутноста во спортските натпревари, со постигнатите резултати и како спортист, атлетичар, и како тренер и професор по спорт го прогласи Влатко Семенаков за спортист на 2024 година, за неговиот придонес во афирмацијата на спортот, на спортска Гевгелија и активација на младите и децата во спортот, за што на 22 февруари му додели ПЛАКЕТА за најуспшен спортист од Гевгелија за 2024 година.
Доделена ПЛАКЕТА за Најуспешен спортист од Гевгелија за 2024 на Влатко Семенаков
Претходно, на 4 јануари 2025 година Влатко Семенаков беше прогласен за Најуспешен спортист во општина Гевгелија за 2024 година од спортската редакција на GevgelijaNET:
