Бурата Бајрон го парализира поголемиот дел од Грција. Девет региони, вклучително и Атика, се под официјално предупредување за екстремни услови. Поплави, лизгања на земјиште и прекин на сообраќај се пријавени во повеќе подрачја.
На островот Закинтос, водата навлезе во патишта и обработливо земјиште, а сообраќајот меѓу Закинтос и Аликес е целосно прекинат. Во селото Литакија, земјата се лизга во насока на куќите. Властите ги повикаа жителите да не излегуваат, освен ако не е апсолутно неопходно.
Во Гитео, особено во селото Платанос, беше испратено итно предупредување. Водата влезе во куќи, уништи полиња и автомобили, а мртви животни пловат низ поплавените улици.
– „Сцените се библиска катастрофа, целата населба беше под вода за неколку часа“ – изјавија мештаните за Прототема.
Многумина побегнаа на покривите за да се спасат, додека земјоделците велат дека приземјата на куќите се поплавени до таванот, а поплавата однела машини, добиток и автомобили. Најранливите, претежно постари лица, чекаат да бидат евакуирани со чамци.
Ваква беше синоќешната слика по улиците од погодените градови долж поморието – поплавени улици, автомобили кои ги влече водената струја:
Без електрична енергија и мобилна мрежа останаа стотици домаќинства. Наставата е прекината во училиштата на Родос, Тира, Тилос, Сими и Кастелоризо. Националната метеоролошка служба предупредува дека дождовите и бурата ќе продолжат до сабота, со ризик од град и ветрови со ураганска сила.
Надојдени води низ улиците на Мандра:
Атмосферската канализација во Калитеа не може да ја прибере дождовницата, па таа извира од шахтите на улиците.
Поројни дождови го парализираа приморските области на Грција. Вака изгледа грчката метропола Атина денеска:
View this post on Instagram
Жителите се засолнуваат на горните катови и покривите од своите домови за да избегнат од надојдените води. Според очевидци, приземјата на бројни куќи се поплавени до таванот, земјоделските парцели се сериозно оштетени, а поплавата однела возила и машини. Некои животни, велат тие, исчезнале во ноќните наноси од кал и остатоци.
Најранливите жители, претежно постари лица, чекаат евакуација со чамци. Голем број домаќинства останале без електрична енергија, вода и мобилна мрежа.
Наставата денеска е прекината во училиштата на Родос, Тира, Тилос, Сими и Кастелоризо. Националната метеоролошка служба EMY издаде специјално предупредување за обилни врнежи и бури во источните и јужните делови на земјата до сабота, со можност за град и многу силни ветрови.
Бурата Бајрон започна синоќа со поројни дождови и над 1000 електрични празнења кои ја направија ноќта страшна и громогласна.
