Млад дојранчанец се здобил со телесни повреди во сообраќајна несреќа со својот мотор, а ОВР Гевгелија му подготвува КП според КЗ за „безобѕирно управување со моторно возило“
Во извештајот за настанот во дневниот билтен на МВР е наведено дека:
– „На 11.12.2025 во 01:20 часот во ОВР Гевгелија е пријавено дека на регионалниот пат Стар Дојран – Нов Дојран, на место викано „Калдрма“, Д.Б.(22) од Нов Дојран, управувaјќи мопед „Хамачи“ со гевгелиски регистарски ознаки, изгубил контрола и излетал од патот“.
Притоа, мотоциклистот се здобил со телесни повреди, констатирани во Општата болница Гевгелија.
По преземени мерки во врска со незгодата е констатирано дека Д.Д. е под дејство на алкохол, односно измерени му се 1,60 промили алкохол во крвта.
За настанот е известен јавен обвинител од Основното јавно обвинителство Гевгелија и по целосно документирање на случајот против него ќе биде поднесена пријава по член 297-а од Кривичниот законик – „безобѕирно управување со моторно возило“.
