Со сечење на црвеата лента точно напладне денеска е пуштен во употреба големиот трговски и повеќенаменски објект „Гевгелија Сити Мол“.
Честа, но и заслугата гевгеличани и регионот да имаат во близина таков реномиран и снабден објект е на инвеститорот „Монополист Инвест“ од Гевгелија и нејзиниот директор Марјан Николовски кој денеска заедно со Генералниот директор на „ЏАМБО“ и „ВЕРО“ во Македонија, Петар Денковски ја пресекоа црвената лента и го означија почетокот на работа на овој технолошки најсовремен маркет лоциран на југот на Македонија.
Гостите, посетителите, љубопитните по новитети, деловни партнери, претставници на стопанството и локалната самоуправа во Гевгелија беа дел од гостите на свечениот чин, но најбројни беа семејните посетители кои поитаа да ги разгледат сите тезги, изложените над 20.000 производи од асортиманот на „ЏАМБО“, играчки и украсни артикли, новогодишни украси и празнични декорации, до широк спектар производи за домот. Во рамките на маркетот е интегриран и селектиран асортиман од брендот „ВЕРО“, што им овозможува на купувачите поголема практичност и повеќе избор на едно место.
Дедо Мраз беше задолжен да ги пречека сите гости:
„Gevgelija Mall“ е трговско „царство“ на понуда од светски модни брендови, кои заедно се’ вкупно се распространети на површина од 10.000 м2 и овде можете да се „опиете“ од модни вкусови и убавина. Само брендовите „ЈАМБО“ и „ВЕРО“ зафаќаат 3000 м2 и се одговор на сите потреби за едно современо домаќинство.
Трговската атракција „Gevgelija Mall“ е нова економска приказна за Гевгелија и регионот која нуди голем број вработувања како од локалната средина и регионот, а тука се и добавувачите, транспортерите и други пропратни дејности кои овозможуваат непречен тек на трговско-услужната функционалност на овој современ мол во Гевгелија.
Целата инвестицијата чини 10-тина милиони евра и е нов економски двигател на локалното стопанство.
Денеска отворениот „Гевгелија Мол“ и присутните брендови „Џамбо“ и Веро“ се во непосредна близина на Граничниот премин „Богородица“ на автопатот „Пријателство“ во близина на „Скај Хотел“ во Гевгелија и со тоа стануваат уште еден препознатлив меѓународен трговски фактор за регионот, воочлив и СТОП мамка за уживање на патниците и добредојдените посетители на Гевгелија и Македонија.
Непосредно пред овој чин објектот беше осветен и благословен со божествена литургија од протоереј Русе Жекоски од Гевгелиското Архиерејско намесништво.
Со благослов за успех нека е аирлија новитетот во Гевгелија!
