Снегот што паѓа во Хрватска од вчера предизвика хаос и проблеми во сообраќајот, а во некои делови од земјата е забележана снежна покривка поголема од 60 сантиметри.
Снегот ја покри речиси целата земја, а разликите меѓу градовите се огромни – додека некои едвај видоа снегулки, други се разбудија под бело ќебе.
Најмногу снег е измерен во Завижан, каде што наврнаа дури 61 сантиметар снег, што го прави апсолутен рекордер за овој снежен бран во Хрватска. Следни се Госпиќ со 51 сантиметар, Парг-Чабар со 49 см и Пунтијарка со исто така импресивни 49 см снежна покривка, објавува DHMZ, како што објави 24sata. Она што треба да се истакне како важна информација е дека дел од автопатот А1 е затворен.

Снежно невреме предизвика сериозни прекини во железничкиот сообраќај во Хрватска, при што патници во воз на линијата Загреб – Сплит останаа блокирани на железничката станица во Книн повеќе од 12 часа.
Дрвјата пукаат и паѓаат од мразот, пукаат и камењата, ледениот воз уште не ослободен, патниците седат во него како заточеници:
Возот, кој тргнал од Загреб вчера во 13:49 часот, бил запрен во Книн околу 21:00 часот. Патниците се жалат на недостиг од храна, пијалаци и прецизни информации од страна на надлежните, додека надвор температурите се под нулата. Според изјави на патници за локалните медиуми, на локомотивата ѝ се скршило предното стакло пред пристигнувањето во Книн, а префрлање во друг воз не било извршено од безбедносни причини. Како што јавува „24сата“, возот трггнал нешто после 8.30 утрово.

Поплавите направија хаос и во Црна Гора: Граѓаните мораа да бидат евакуирани преку ноќ. Градоначалникот на општина Даниловград, Александар Гргуровиќ, вели дека ситуацијата со поплавите во таа општина станала уште покомплицирана преку ноќ и дека неколку семејства биле евакуирани.
На семејствата, вели тој, им е понуден сместување во хотел и во Полициската академија во Даниловград, иако повеќето граѓани преноќиле кај роднини или соседи.
Тој вели дека откако ќе се повлече водата, ќе се направи проценка на штетата и дека општината ќе биде тука за сите свои граѓани.

View this post on Instagram
Поплави и во Албанија – Драч под вода: Поплавени над 800 домови, евакуацијата е во тек
Критична е состојбата во регионот на Драч по силните врнежи кои предизвикаа масовни поплави. Според последните информации, водната стихија веќе навлезе во околу 800 домови, принудувајќи ги спасувачките екипи итно да евакуираат над 180 лица чии животи биле во директна опасност.
Министерот за одбрана, Пиро Венгу, синоќа итно го свика Комитетот за цивилни вонредни ситуации за да се координира одбраната на градот. Состојбата останува тензична, а нивото на водата во некои делови сè уште не опаѓа.





















