Вчера, недела, на 8-мо мартовскиот празничен ден во Кавадарци се одржа осмиот по ред „Кавадаречки полумаратон“ 2026, на кој настапија околу 500 атлетичари. Меѓу побројните атлетски клубови од државата кои настапија на Кавадаречкиот полумаратон беше АК „7 Ноември“ од Гевгелија со вкупно 61 натпреварувачи и тоа 36 во категоријата деца и 25 во категориите за сениори.
Гевгелиските атлетичари освоија СЕДУМ ПОДИУМИ, ДВЕ ПРВИ МЕСТА во екипен состав во категоријата трка на 5 километри сениори во женска и во машка конкуренција и едно ВТОРО место во поединечна конкуренција.
Младите атлетски сили од „Школата за атлетика“ при АК „7 Ноември“ ги запоседнаа подиумите во категоријата деца со освоени 4 подиуми, 2 ПРВИ места, едно ВТОРО и едно ТРЕТО место.
Носители на победничките резултати и својувачи на подиуми во „Детската трка“ во Кавадарци се следните атлетичари од Гевгелија:
1. ТОМЧЕ ПЕТКОВ – ПРВ на трка од 200 метри (категорија 6 и 7мо одделенци) – (возраст 10 години)
2. ЃОРГЕ ПАПУЧИЕВ – ПРВ на трка од 500 метри – (13 годишен)
3. ДРАГИ ИТОВ – ВТОР на трка од 500 метри
4. МАКСИМ АНГОВ -ТРЕТ на трка од 500 метри – (13 годишен)
Победничкиот тим од женскиот состав ја истрча патеката од 5 км со најдобро вкупно заедничко време од 01:20:55. Тимот кој се искачи на највисокиот победнички подиум го сочинуваа:
– Ана Бегова – време 00:22:47
– Надица Панова – време 00:28:44
– Стефанија Маркова – време 00:29:24
На истата траса од 5 км најдобро време од 01:09:39 постигна тимот на АК „7 Ноември“ (мажи), а истиот го сочинуваа:
– Максим Ангов – време 00:21:27 – (13 год. возраст)
– Томче Петков – време 00:21:28 – (10 годишен)
– Ѓорге Папучиев – време од 00:26:44 – (13 години)
Во севкупенна конкуренција на 5 км мажи овие млади атлетичари од АК „7 Ноември“ од 10 и 13 години се пласираа на 8, 9 и 34-то место од близу 200 учесници.
Поединечно најдобар пласман од гевгелиските атлетичари вчера во Кавадарци оствари АНА БЕГОВА со освоено ВТОРО место на трката од 5 километри, искачувајќи се на подиумот меѓу поголемите, поискусните. Ана има само 11 години, а зад себе остави 32 и 33 годишни атлетичарки.
На трката од 5 км освен победничкиот тим од атлетичарките и атлетичарите од Гевгелија настапија и Јована Дичева, Марија Атанасова, Александра Крајчева, Нада Карова, Добрилка Семенакова, Живко Костадинов, Игор Коцевски и Слободан Дичев.
Од машките на 5 км одличен резултат постигна Максим Ангов, кој со своите 13 години постигна 6-то место во конкуренција од 141 сениори, учесници на трката.
На трката од 10 км најдобро време од гевгелиските атлетичари постигна Рената Тот стасувајќи 12-та на целта со истрчано време од 00:58:52 минути. Од машките на 10 км најдобро време имаше Борче Узунов од 00:49:56 и стаса на целта како 26-ти од 141 учесника.
На полумаратон трката од 21,1 километар од Гевгелија настапија: Васил Самарџиев кој оствари најдобар резултат (01:53:19 h) стасувајќи 48-ми на целта од 83 учесника, потоа Јован Петров (01:55:23) и Драган Ристов (02:04:38 h).
Се’ на се’ успешен спортски ден за гевгелиските атлетичари. Доминираа извонредните тимски резултати каде пресудна е поддршката, потстрекот, довербата, а се покажаа во најдобро светло и младите сили од „Школата за атлетика“ кои ги освоија сите 5 поединечни медали освоени со боите на АК „7 Ноември“ на 8-миот Кавадаречки полумаратон.
Честитки за сите учесници и носителите на медали!
