На денеска одржаното Државно првенство по атлетика за ученици во основните и средните училишта извонредни резултати постигнаа учениците Ана Бегова и Ѓорги Папучиев од ООУ „Владо Кантарџиев“ од Гевгелија.
Ана настапи на трка од 300 метри и го освои ПРВОТО место, со што се искачи на победничкиот подиум и доби медал и Диплома од организаторот, Федерацијата на училишни спортови на Македонија и Општинскиот Сојуз на училишни спортови на Куманово, каде што се одржаа натпреварите.
Успех на атлетските патеки постигна и Ѓорѓи Папучиев кој освои две ВТОРИ места:
– Второ место на трка на 60 метри и
– Второ место на трка на 300 метри.
И Ана и Ѓорги се членови на АК „7 Ноември“ Гевгелија и членови на „Школата за атлетика“ при гевгелискиот атлетски клуб, но и посветени ученици по спорт во своето училиште.
Oд истото училиште на Државното првенство по атлетика настапија и ученичките Дијана Пајдакова во дисциплините 60 м и 300 м, а Весна Атанасова во дисциплината 600 метри, при што постигнаа солидни резултати.
Од ООУ „В.Кантарџиев“ изјавуваат дека се горди на нивниот успех, труд и посветеност упатувајќи честитки за учениците и за нивните ментори!
