Спортската традиција меѓу членовите на „Мобилност“ Гевгелија и традицијата на освојување подиуми и трофеи продолжува и на годинашниве 38-ми по ред Републички спортски игри на лица со телесен инвалидитет. Натпреварите се одржаа во Охрид и Струга од 11 до 14 јуни, а гевгелиските учесници се вратија со едно победничко искуство повеќе и СЕДУМ освоени МЕДАЛИ.
1. Најдобар пласман на РСИЛТИ оствари НИКОЛА ПЕЕВ од с.Стојаково кој освои ДВА ЗЛАТНИ МЕДАЛА 🏅🏅едниот на Републичкиот натпревар кој беше од меѓународен карактер, бидејќи учествуваа лица со телесен инвалидитет и од Србија, БиХ, Словенија, Хрватска, Црна Гора и Бугарија, а вториот на Државниот натпревар по атлетски повеќебој. Никола е носител на над 15 медали од РСИ и меѓународни натпревари во атлетски повеќебој, а негови омилени дисциплини се фрлање копје, ѓуле и диск.
На терените во Охрид имаше најдобри резултати и освои два медала и сега е и Државен ШАМПИОН и Меѓународен ШАМПИОН во конкуренција од 7 држави од регионот.
2. Александар Талески од Дојран освои исто така два медали од кои ВТОРО место и СРЕБРЕН медал на Државното првенство во атлетски повеќебој организиран од Националната Федерацијата за спорт и рекреација на инвалиди на Македонија, Параолимписки комитет на Република Македонија и Националниот сојуз на лица со телесен инвалидитет на Македонија.
Следниот медал што го освоии Александар е ТРЕТО место и БРОНЗЕН медал во истата дисциплина атлетски повеќебој во својата Ф конкуренција, но на Републички натпревар во натфрлување на копје, диск, ѓуле со учесници од 7 земји од регионот.
3. На Државното првенство Благица Горгиевска од Валандово го освои ВТОРО место во конкуренција за жени, а во истата категорија
4. Даниела Гошева Кангов од Гевгелија го освои ТРЕТОТО место, а првото место и’ припадна на долгогодишната шампионка во оваа категорија, Елена Давитковски од Кратово.
5. Горан Џелајков од Стојаково освои ВТОРО место во неговата категорија на овогодинешното Државно првенство.
Гевгелиското ЗГ „Мобилност“ учествуваше со тим од 6 нетпреварувачи. Дел од нив освен својата спортска специјалност учествуваа и на натпревари во пинг-понг, стрелаштво, фудбал…
Илчо Кангов се натпреваруваше во дисциплина „пинг понг“, Благица Горгиевска и Горан Џелајков се натпреваруваа и во „Стрелаштво“, а Никола Пеев и Александар Талески учествуваа и на пријателски фудбалски натпревар против Ветераните на ФК „Пелистер“. Овде за несреќа се повреди Никола Пеев во текот на натпреварот па тоа беше причината зошто Никола Пеев не беше присутен на доделувањето на медаљите и не е доловен на ниедна фотографија како прима медал, или награда.
Му посакуваме брзо опоравување на двојниот победник Никола, а на сите учесници и медалисти им честитаме за успехот!
