Девојчето кое победува, 11 годишната Ана Бегова викендов стана победник на ноќната трка „Биди своја“ што се одржа во Битола.
На трасата од 5 километри во конкуренција на жени, младинки, девојчиња и спортистки-атлетичарки, со време од 21:04 минути Ана истрча прва на целта и го освои победничкиот подиум.
Малата победничка Ана е член на Атлетскиот клуб „7 Ноември“ од Гевгелија и македонска надеж во атлетиката со самиот факт што учестува на трки во сениорска конкуренција, како последната „Биди своја“ и освојува подиум за ПРВО место. Ако ова го може на свои сегашни 11 години, што се би постигнала како спортист-сениор!? Овде сме да дознаеме и да го следиме спортскиот растеж на малата-голема по спортски достигнувања АНА.
Инаку трката „Биди своја“ се одржа по четврти пат. Годинава Ана освен што победи во женска конкуренција, таа го зачува своето победничко место на подиумот кое го завзеде и минатата година кога имаше само 10 години.
Толку за годините. Само ќе потврдиме дека Ана е двократен победник на ноќната трка „Биди своја“ во Битола и докажува дека навистина е своја, храбра, истрајна и победничка!
Браво АНА!
Ана доби посебна спортска чест кога на почетокот на трката во Битола од страна на модераторот, тренерот Игор МЦ Јакимовски беше поканета на стартната линија да пристапи прва претставувајќи ја како фаворит на трката со најмногу освоени први места на трки од ваков ранг во оваа сезона, (5 км сениори-жени), а по неа претстави уште три истакнати возрасни атлетичарки.
Се прогласи стартот, сите учеснички потрчаа на патеката, па и малата Ана, неустрашива што сите останати учеснички се двојно поголеми од неа и физички, и возрасно. Тргна во трката со лесни нозе и, видовте од видеото погоре, дека пристигна прва на Целта и додека ја одмотуваше лентата од целта никој немаше зад неа од останатите натпреварувачки, Ана ги остави далеку зад себе. Со тоа Ана го оправда епитетот „фаворит на трката“ и го понесе победничкиот медал на 5 километри меѓу жените-сениорки.
(Во прилог видео од Стартот на трката).
И уште еднаш „БРАВО АНА!“
