Судот во Хаг им изрече денеска пресуди на поранешните водачи на ОВК, Хашим Тачи, Јакуп Красниќи, Кадри Весели и Реџеп Селими, од 13 до 25 години затвор за воени злосторства. Судот утврди одговорност за нелегално лишување од слобода, сурово постапување, тортура и убиство, додека обвинителството не ги докажа обвиненијата за злосторства против човештвото.
Според зборовите на судијата Чарлс Смит, кој претседаваше со Судскиот совет, утврдено е дека извршените злосторства биле сериозни и широко распространети, опфаќајќи 14 општини во Косово и два округа на север од Албанија. Судењето на Тачи и сообвинетите започна на 3 април 2023 година, а по повеќе од три години, денеска стигна до фазата на првостепена пресуда.
Судскиот совет утврди дека четворицата се одговорни за воените злосторства за произволно лишување од слобода на најмалку 385 лица, сурово постапување со 348 лица, од кои 303 биле мачени, како и за убиство на најмалку 96 лица.
The guilty verdict against #Kosovo’s former leadership is a historic rebuke of Kosovo’s “independence”: the #Clinton-sponsored nation-building project that emerged from the terrorist UÇK, backed by @NATO air power. The fabricated narrative of Kosovo’s “liberation” cannot be separated from the Serb civilians and other victims who were killed, tortured, had their organs harvested, disappeared or driven from their homes, while civilians killed during NATO’s bombing campaign were discussed in the language of “collateral damage.” The verdict, confirming these ex-terrorists are guilty of war crimes, represents a reckoning not merely with individual men, but with the way Kosovo’s separatist movement was built: on the bones of Christian Serb civilians whose deaths and suffering never fit comfortably into the West’s narrative.
— Boris Malagurski (@malagurski) September 16, 2026
Советот наведе дека Тачи одиграл клучна улога во формулирањето и спроведувањето на заедничката казнива цел на ОВК, додека Весели учествувал во извршувањето и поттикнувањето на злосторства. Судот ја наведе злоупотребата на службената должност како отежнувачка околност за Тачи, а неговиот придонес во основањето на Специјализираните совети како олеснителен фактор. Во исто време, судот заклучи дека обвинителството не докажало надвор од разумно сомнение дека се извршени злосторства против човештвото, односно дека нападите биле насочени кон цивилното население во однос на тоа кривично дело.
Обвинетите, членови на нивните семејства, министерот за надворешни работи на Кoсово Глаук Коњуфца, министерот Андин Хоти, претседателот на Здружението на поранешни припадници на ОВК Хисни Гуцати, пратениците на Демократската партија на Косово беа присутни во судницата.
Хашим Тачи е осуден на 25 години затвор за воени злосторства. Тачи беше прогласен за виновен за незаконско или произволно апсење и лишување од слобода како воено злосторство против најмалку 385 лица, за суров третман како воено злосторство против најмалку 49 лица, за тортура како воено злосторство извршено против најмалку 303 лица и за убиство како воено злосторство извршено против 96 лица. Од друга страна, Тачи беше ослободен од обвинение за прогон, затворање и други нехумани дејствија, тортура, убиство и присилно исчезнување на лица, како и злосторства против човештвото.
„Овој совет утврди: затворска казна од 15 години за воено злосторство незаконско или произволно апсење и притворање, затворска казна од 4 години за воено злосторство сурово постапување, затворска казна од 20 години за воено злосторство тортура и затворска казна од 23 години за воено злосторство убиство. Овој совет ве осудува на единствена затворска казна од 25 години, со пресметување на времето што сте го поминале во притвор“, рече судијата.
Судскиот совет во Хаг изјави дека отежнувачка околност за Хашим Тачи е тоа што ја злоупотребил својата положба за да постигне заедничка казнива цел.

Кадри Весели е осуден на единствена казна од 18 години затвор за незаконско апсење и лишување од слобода, за сурово постапување, тортура и убиство.
Панелот на Специјалниот суд во Хаг го осуди Реџеп Селими на 13 години затвор за воени злосторства.
Јакуп Красниќ беше осуден на 25 години затвор, прогласен е за виновен за воени злосторства, вклучувајќи произволно лишување од слобода, суров третман, тортура и незаконско убивање.
Сите четворица беа меѓу политичките и воените лидери на ОВК за време на војната, а по војната, зазедоа високи позиции во Коово. Во 2008 година, како премиер, Тачи ја прогласи независноста на Косово, а подоцна беше претседател.
Повеќе на Телевизија24 – ЛИНК
Приврзаниците на осудените денескаа предизвикаа немири во близина на судот во Хаг, Холандија.
Het is compleet uit de hand gelopen bij het Internationaal Gerechtshof in Den Haag, waar vele Albanezen en Kosovaren zich verzamelden om steun te betuigen aan Kosovo’s oud-president Hashim Thaçi. Thaçi kreeg een gevangenisstraf van 25 jaar, waarna de onrust buiten de rechtbank begon en de ME moest ingrijpen met onder meer een waterwerper. #powcrime #thaçi #kosovo
— PowNed (@PowNed) September 16, 2026




















