Пристигнаа одлични вести за настапот на гевгелиските средношколци од СОУ „Јосиф Јосифовски“ на Втората Македонска економска олимпијада што се одржа минатата недела во Скопје.
Од 36 ученици од првата селекција, на олимпијадата се пласираа дваесет ученици кои ги измерија силите во делови од финансиска математика, финансиска писменост, економија и примена на математиката во моделирање на економски процеси.
Средношколците од Гевгелија освоија ПЕТ медали: два сребрени медала и три бронзени.
Медалите заслужено ги освоија:
1. Катерина Удовалиева – сребрен медал, III год. со освоени 38,5 бодови, (ментори професорите Снежана Кичукова и Сашо Папалазов);
2. Јован Оџаков – сребрен медал, II год. со освоени 32 бода (ментори Снежана Кичукова и Русица Атанасова);
3. Трајче Панов – бронзен медал, II год. со освоени 24 бода (менторство на професорките Снежана Кичукова и Русица Атанасова);
4. Дејана Василева – бронзен медал, III год. со освоени 21,5 бода (менторство на професорките Снежана Кичукова и Сашо Папалазов);
5. Михаела Костадинова, – бронзен медал, II год. со освоени 19,5 бода (менторство на професорките: Софија Тошева Раманчева и Јасмина Папалазова).
Инаку, тимот на СОУ „Јосиф Јосифовски“ од Гевгелија за Емономската Олимпијада го сочинуваа учениците: Катерина Удовалиева, Јован Оџаков, Трајче Панев, Дејана Василева и Михаела Костадинова. Пет ученици- Пет освоени медали. Ова е 100% реализација на Олимпијадата на гевгелискиот средношколски тим!
Уште еден резултат е значаен од настапот на гевгелиските средноколци на Македонската Економска Олимпијада – тоа е освоениот ПЛАСМАН на Седмата меѓународна економска олимпијада, која ќе се одржи во Хонг – Конг, во периодот 22-31.07.2024. Местото го заслужи Јован Оџаков, ученик во втора година, СОУ „Јосиф Јосифовски“, Гевгелија.
Инаку, Македонскиот тим за настап на Меѓународната олимпијада кој ќе ја претставува нашата земја е сочинет од најдобрите ученици-учесници на МЕО.
Tимот оваа година го сочинуваат:
1. Миша Веселински, ученичка во трета година, ПСУ „Јахја Кемал“, Скопје
2. Сара Тошевска, ученичка во трета година, „Математичко-информатичка гимназија“, Скопје
3. Никола Бојчев, ученик во втора година, „Математичко-информатичка гимназија“, Скопје, и
4. Јован Оџаков, ученик во втора година, СОУ „Јосиф Јосифовски“, Гевгелија.
Тимот победници во Хонг-Конг ќе го предводат: проф. д-р Анета Гацовска – Барандовска и м-р Стево Ѓоргиев од Институтот за математика при ПМФ – Скопје.
Честитки за гевгелиските носители на медали, честитки за членот на македонскиот ученички олимписки тим, честитки и за заслужните професори-ментори! И, СРЕЌНО на настапот во Хонг-Конг!
