Синоќаа, на ден Голема Богородица (28.08.2024) во 22:45 часот на Граничниот премин Богородица, на излез од државата, полициски службеници од РЦГР „Југ“ го лишија од слобода М.А.(38) од Босна и Херцеговина.
Тој управувал товарно возило „Мерцедес“ со полуприколка со босански национални ознаки, а приведен е затоа што при извршена проверка, во полуприколката биле пронајдени 15 мигранти од Кина, од кои едно е малолетно лице.
Известен е јавен обвинител од ОЈО за ГОКК Скопје и поради постоење на основи на сомневање дека сторил кривично дело „криумчарење на мигранти“ по чл. 418-б ст.4, а во врска со ст.2 од КЗ, против М.А. ќе биде поднесена соодветна пријава, јавуваат од МВР.
Мигрантите биле пренесени во Прифатно-транзитниот центар „Винојуг“ кај Гевгелија.
