Огнена ноќ за една станарка од Гевгелија која завршила во болница.
Ноќеска (21.08.2026) во 00:25 часот во Полициската станица Гевгелија било пријавено дека настанал пожар во стан на ул.„Сава Михајлов“ во Гевгелија.
Од екипа на Територијалната противпожарна единица Гевгелија пожарот бил изгаснат, а повредени лица нема.
- „Први го детектирале пожарот соседите кои исто така и први пристигнаа на помош на станарката во станот која живеела сама. Иако беше доцна соседите имале пристап до станот кој не бил заклучен на влезната врата, од каде осетиле оган и чад и притрчале на помош. Во собата од станот гореше креветот. Соседите притрчале да го изгаснат на време, така што нема други штети во станот“ – изјави за GevgelijaNet заменик командирот на ТППЕ Гевгелија, Дејан Иванов.
Од преземените мерки било утврдено дека пожарот го предизвикала В.К.(64), која живеела во станот, а која подоцна била спроведена во здравствена установа.
Запознаен е јавен обвинител од Основното јавно обвинителство Гевгелија, а по документирање на случајот ќе биде поднесен соодветен поднесок.
