Денес во 13:50 часот избувна пожар кај камповите лоцирани покрај езерото меѓу Нов и Стар Дојран.
Екипата на ТППЕ Гевгелија пристигна на терен веднаш по пријавата, но пожарот бил изгаснат од свесните жители на објектот.
Брзата интервенција, свесноста и одговорноста на секој од нас во справувањето со пожарите пред да избие поголема штета и ширење на огнената закана е најважно.
Дојранчани постапиле свесно и одговорно и пожарот е целосно изгаснат.
Браво за брзата реакција.
Во текот на овој саботен ден, по налог на Дирекцијата за заштита и спасување, Дојранското Езеро беше надеж за спас од пожар кој се прошири на местата Водоча, Баница и Струмица.
Попладнево беа извршени неколку прелети со ЕР-Трактор над езерото и полнење вода со која што се интервенираше во гасење на пожар кој напладне избувна кај местото Водоча, со силниот ветер продолжи кон Баница, а станува и закана кон првите куќи на Струмица.
На терен се и екипи на ТППЕ Струмица, Гевгелија, Валандово и Радовиш.
Акцијата продолжува.
Дека состојбата на терен во Струмица беше сериозно загрижувачка покажува снимката од акцијата на пожарникарите кои беа очи во очи со огнот пред секоја куќа, во сечиј двор на првите ударни јазици на пожарот во Струмица.
Видео од пожарот во Струмица, колкав беше обемот и колку блиско беше до куќите.
Во вториот дел застрашувачко IR видео од огнените јазици. Силите на ТППЕ од регионот се справија на теренот, но од голема помош од воздух беа водите во ер-тракторите наполнета од Дојранското езеро.
