Предновогодишна ревијална утакмица се одигра вчера во спортската сала „26 Април“ во Гевгелија помеѓу гевгелиските ракометарки-ветерани од ЖРК „Југ“ и кумановските ракометни ветеранки од ЖРК „Куманово“.
На ваков натпревар поважно е натпреварувачкото чувство на ракометните ветеранки, да а почувствуват играта, дриблингот, шутот кон гол, но ете да кажеме, сепак, дека гевгеличанките од „ЈУГ“ победија со резултат 15 : 12.
Тоа докажува дека гевгелиските ветеранки се во форма, со спортска кондиција да се натпреваруваат и да победуваат, иако се во години од 36 до 65 годишна возраст.
На теренот заиграа: Сузана Андонова, Благица Проданова, Гордана Клеменовиќ, Весна Вегова, Елма Попова Прсес, Дана Мицева, Лилјана Мандиќ, Мими Доскова, Александра Максимовска, Јулија Беќарова, Лола Попова, Виолета Јовиќ и Даниела Цаневска.
Честитки за победата ветеранки!
