Најмладата поетеса во Македонија, шестоодделенката од ООУ “Јосип Броз Тито” во Валандово, Драгана Рајкова повторно твори и изненадува – издаде втора книга насловена „Ѕвездено небо“.
Драгана има само 11 години и за година дена по издавањето на нејзината прва стихозбирка со сликовница „Спомени од моето детство” создаде и издаде ново авторско дело „Ѕвездено небо“.
Оваа небесно-ѕвездена книга е ново поетско издание на младата поетеса од Валандово и има свои илустрации за секоја од 30-те песни содржани во неа. Колку досетки, слики од детството, од животот носи во своите стихови младата поетеса ќе дознаеме по јавната промоција.
Публиката ќе може да се запознае со новата книга на Драгана на нејзината промоција која е закажана за 23 април, во контекст на одбележувањето на Светскиот ден на книгата и авторските права.
Драгана пишува од својата 7 годишна возраст. Вљубеник е на пишувањето и поетскиот исказ.
Освен литературата је интересира и музиката, така што го посетува нижото музичко училиште ООМУ “Боро Џони” во Струмица и веќе пет години свири пијано во класата на проф. Зоран Мазнејков. Одличен ученик е и посветена целосно на знаењето и уметничкиот израз како со пишан збор, така и со музиката.
За да ве заинтересираме да ја проследите нејзината промоција Ви презентираме дел од творештвото на Драгана.
Промоцијата на новата стихозбирка-сликовница ќе се одржи во Домот на културата „25 Мај“ во Валандово, во 17:00 часот.
Ве потсетуваме на нејзиното поетско првенче и промоцијата на „Спомени од моето детство”, во ноември 2023 година.
