Долгонајавуваната и долго патувачката прекуокеанска музејска поставка од Македонија заедно со експонати од локалитетот „Милци“ кај Гевгелија деновиве се на изложба во Чикаго.
Веќе петти ден, од петокот 31.03.2023 год., во просториите на „Филдовиот музеј“ во Чикаго, по свеченото отворањ на долгонајавуваната меѓународна изложба “Првите кралеви на Европа” се наоѓаат и археолошки раритети од поднебјето на Гевгелија. Изложбата и друштвото на „Принцезата од Милци“ е импозантно, бидеји се работи за учество на 26 музеи од 11 земји од Југоисточна Европа, помеѓу кои три национални установи од Република Северна Македонија, Завод-Музеј од Битола и Прилеп и музејот од Гевгелија.
НУ Музеј-Гевгелија во контекст на своето учество ја презентира Дамата/Принцезата од Милци (гроб 111 од некрополата Милци), која со своите статусни симболи, а особено приложената култна палка, беше препознаена како кохезионен елемент на концептот на самата изложба и нејзиниот назив – „Првите кралеви на Европа“.
Во текот на периодот на систематски архееолошки ископувања на некрополата Милци во период од 2011-2022 год., Гробот 111 беше откриен во текот на истражувачката сезона во 2014 год.
Систематските ископувања на некрополата Милци во организација на НУ Музеј-Гевгелија се реализираа под стручно раководство на Бобан Хусеновски археолог кустос-советник, а истите беа целосно финансирани од страна на ресорното министерство на Република Северна Македонија.
Од археолошкиот локалитет Милци кај Гевгелија дури 17 предмети ќе бидат од овој месец на тригодишна изложба во САД во градовите Њујорк, Чикаго, и Отава во рамките на изложбата „Првите кралеви на Европа“ во која учествува и НУ „Музеј“ Гевгелија.
