Пиротехничарот на Дирекцијата за заштита и спасување (ДЗС) Зоран Пејев, безбедно отстрани неексплодирана артилериска граната со калибар од 100 мм, тешка 13,6 kg, на брегот на Дојранското Езеро.
Гранатата потекнува од Првата светска војна, наменета е за „хаубица“ М14 а вакви неексплодирани убојни средства најчесто се пронаоѓаат во Дојранскиот, Гевгелискиот, Битолскиот и Охридскиот регион.


Долж Дојранскиот крај за време на Првата Светска Војна била позиционирана фронтовска линија и ова подрачје често се наоѓа во извештаите на Дирекцијата за заштита и спасување со случајно пронајдени неексплодирани мини, топовски гранати при ископиа за време на градежни работи, по поле, во ниви, па и во дворови од семејни куќи. Сите се досега успешно детектирани и отстранети од стручни лица на ДЗС на понатамошна постапка, уништување на убојното средство, присутно во дојранско уште од минатиот век.




















