Четири лица загинаа, а 53 се повредени во сообраќајката што се случи утринава нешто пред 7 часот на патот Атина – Евзони
Според српските медиуми, до несреќата дошло откако возачот на автомобилот заспал и удрил во двокатниот автобус од Србија во кој имало 78 патници. По судирот авобусот се превртел, а во грчкиот автомобил удрило друго возило, во кое биле 38-годишна жена и нејзино шестгодишно дете, кои не биле повредени.
По несреќата, на местото на настанот веднаш дошле полицијата, пожарникари со шест возила, 12 возила на Брза помош и мобилни медицински единици.
Три од четирите лица од автомобилот кој прв удрил во автобусот, починале на лице место, додека пак четвртиот патник им подлегнал на повредите во болница.
Македонски државјанин за српски „Телеграф“ изјавил дека на местото пристигнал кратко откако се случила несреќата, а глетката на кој наишол била страшна.
„Беше страшно, сè уште сум во шок. Едното возило беше на средината на патот, целото згмечено, а од него преку хаубата висеа две тела, најверојатно возачот и совозачот. Патниците од српскиот автобус не можеа да излезат сè до доаѓањето на Итната помош. Тие со автобусот беа во ендек, но не премногу длабок“
Од туристичкиот автобус, 53 патници се пренесени во три болници.
![](https://gevgelijanet.com/wp-content/uploads/2023/09/Avtomobil-soobrakajka-750x536.webp)
По сообраќајната несреќа што се случи кусо пред 7 часот утрово, автопатот од границата со Македонија е затворен за сообраќај и во двата правци, а возилата се пренасочуваа кон стариот пат.