Министерот за здравство F.Меџити најави дека 1.117 вработени со договор на дело во здравството ќе добијат трајни вработувања, пред распишувањето на изборите во државата
Oва денеска го најави министерот за здравство Фатмир Меџити кој истакна дека:
– „Пред да се распишат изборите 1117 вработени со договор на дело во здравството ќе добијат трајни вработувања.
Завршено е аплицирањето за 1117 трајни вработувања во здравствените установи чија првична цел беше трајни вработувања да добијат лицата кои со години работат со договори на дело“ истакна министерот Меџити..
Министерот за здравство Фатмир Меџити вели дека даваат максимални напори за вработувањат да станат реалност пред да се распишат изборите.
– „Јас не сум правник, јас сум лекар, но ги консултирав службите. Знаете како се изборивме пред Нова година за луѓето вработени на договор на дело. Беше веќе крајно време да добијат вработување. Вчера ми најавија дека целокупниот број од 1117 апликации се завршени во јавните здравствени установи, поднесени се во Министерството за здравство. Сега ние треба да добиеме согласност од Финансии. Ние денес со невидена брзина ќе ги добиеме тие согласности од Министерството за финансии, од Министерството за информатичко општество и од Фондот за здравствено осигурување. Навистина макотрпно работиме и даваме крајни напори за тоа да биде реалност пред да се распишат изборите. Јас до крај ќе се изборам за ова да биде реалност“, рече денес министерот Меџити по отворањето на Центарот за трансплантација на хематопоетски матични клетки на Универзитетската клиника за хематологија.
Во Општа болница Гевгелија ова ќе биде решение за трајно вработување на 5 медицински лица кои се со договор на дело, а веќе 14 вработени повеќе години на одредено време , наскоро добиле статус на вработени на неопределено време.
Тој признава дека пропусти се можни оти законот дозволува на огласите да се јават сите, не само лицата кои веќе работат со договор на дело.
Иако преку низа протести здравствените работници бараа трајни вработувања за околу 2000 лица кои работат со договор на дело, Владата со одлука минатиот месец одобри вработување на 1117 лица медицински и технички кадар во здравствените установи во земјава. Министерот Меџити апелираше менаџерите на сите чесни и вредни работници да им дадат предност оти имаат дискреционо право кому да му дадат решение за трајно вработување.
