Со 16 пласирани гола во противничките мрежи, а само два примени од одиграните натпревари на денеска одржаниот турнир на Централен регион од „Детската лига“ на ФФМ, генерацијата фудбалери на ФК „Кожуф“ родени 2012 години убедливо го освоија победничкиот пехар.
На патот до победата тие во 1/4 финалето издвојуваа победа против тимот на „Азури“ Радовиш со 8:1. Во полуфиналето со 5:1 ја совладаа екипата на ФК „Беласица“, додека во финалето со високи 10:0 го победија тимот на ФК „Академија Пандев“.
Со оваа генерација 2012 на гевгелиски „Кожуф“ се шампиони на централен регион во „Детската лига на Македонија“!!
Вакви турнири се одржаа во сите осум региони во Македонија. Победниците се пласираат на завршен турнир на кој ќе играат помеѓу себе, со цел да се одреди победникот на Детската фудбалска лига во државата.
Гевгелиските 12 годишни фудбалери, значи се пласираа со денешната победа за учество на завршниот турнир од Детската лига и ќе атакуваат да го освојат Првото место.
Зошто?
Затоа што се носители на титулата Државен првак на Македонија во Детската лига за 2022 и 2023 година.
Новите победнички славеници од Гевгелија се: Душан Петров, Стефан Петровски, Филип Лазаров, Костантин Танчевски, Ристе Андреев, Јован Карагонев, Антонио Митров, Виктор Митренцев, Јован Новаков, Андреј Лазаров, Васил Ристов и Јован Проданов, сите под водство на тренерот Трајче Ников.
Турнирот за државното првенство во Детската лига ќе се одржи од 1 до 3 јуни оваа година во Скопје на терените на ФФМ.
Гевгелиските млади фудбалери спремно одат за ТРЕТА победа, зошто се научија да победуваат, да немаат трема дали играт со деца од Белград, од Сплит, од Сараево, или Скопје. Сите играат со нозе и со љубов за фудбалот. А, љубовта и поттикот за победи ги носат од својот посветен тренер Трајче Ников, долгогодишен фудбалер и спортски работник во Гевгелија.
Честитки за денешната победа на турнирот што се одигра во Дојран и СРЕЌНО на патот до третиот државен трофеј!
