Сенародна радост во с.Ново Конско, гевгелиско – вчера беше осветена црквата „Св.Димитриј Солунски“ од страна на Митрополитот Повардарски г. Агатангел во сослужение на бројно свештенство од Гевгелиската Парохија и се отслужи Света Божествена Литургија.
Свети Димитриј е главна селска црква во гевгелиското село Ново Конско. Црквата се наоѓа над селото, во близина на асфалтниот пат кој води до селото. Претставува новоизградена црква во поново време.
Со помош на црквата и граѓанството направено е и внатрешно уредување со иконопис и современ мермерен свод.
Чинот на осветуввање на овој црковен храм во поткожуфското село во гевгелиско привлече бројно граѓанство на радоста од овој храм да бидат поблиску со верата и Бог.
– „Црквата се гради прво во срцето, потоа во заедницата помеѓу лугето и на крај се гради храм изграден од камен, мермер и тули. Му благодариме на Бога што сме сведоци да го доживееме овој ден и да бидеме сведоци на осветувањето на овој храм“ рече во беседата на предвестието од осветувањето на храмот „Св. Диитриј Солунски“ во с.Ново Конско, отец Љупче Миланов од Гевгелиската Парохија.
– „Ако Господ не ја изѕида куќата, залудно ќе се трудат градителите нејзини. (Пс. 126, 1).
Вака вели псалмопевецот, а ова се однесува на секој храм, како и на овој што денес го осветивме со Божјата благодат, преку Призивот на Светиот Дух во чинот на осветувањето, кога заеднички, сите се помоливме Господ да го испрати Својот свет благослов од Небесата“ – рече Митрополит Повардарски г. Агатангел на свечениот чин во с.Ново Конско.
– „Нека е честито, и од Бога благословено осветувањето на овој Божји храм.
По молитвите на Свети Димитриј Солунски, Господ да ни даде сили достојно да го славиме и почитуваме неговиот спомен, и да се подвизуваме во овој свет храм“ – со овој благослов Митрополит Повардарски г. Агатангел ја заврши церемонијата на осветување на црквата во Ново Конско.
Потоа во црковниот двор беше послужен свечен ручек за бројните посетители на настанот.
Да е за многу години, да служи за радост на тамошните жители, за свадби, крштевки, семејни радости и достојно испраќање во рајските градини.
Фото: Гевгелиско Архиерејско намесништво
