Денеска на терените во ООУ „Крсте мисирков“ во Гевгелија се одржа Општински училишен натпревар по футсал. На истиот победи освоија: Женскиот тим на ООУ „Ристо Шуклев“ од Негорци и машкиот тим од ООУ „Крсте Мисирков“ Гевгелија.
Женскиот ученички тим од Негорци во првиот дуел го победија противничкиот тим од ООУ „Владо Кантарџиев“ со 2:0 во пенали. Во финалето играа со тимот на ООУ „Крсте Мисирков“, а натпреварот го добија со победа од 3:0. Со две победи титулата ПРВАК во футсал за ученички натпревари убедливо ја добија ученичките од Негорци кои на теренот пласираа 5 гола кај противничките тимови, а НЕ ПРИМИЈА НИТУ ЕДЕН гол.
Тимот на првакињите го сочинуваат ученички од VIII и IX одделение под раководство на наставничката Бојана Танова. Заедно со неа радоста за победата ја делеа: Елена, Душица, Маријана, весна (горе), Симона, Ирена, Стефани и Жанета (доле).
Прваците во футсал кај машките, екипата од ООУ „Крсте Мисирков“ беа водени од наставникот по физичко воспитување Ѕвонко Бучков. Тие во финалето остварија победа од 2:1 против тимот на ООУ „Владо Кантарџиев“.
Прваците од Општинските училишни натпревари се пласираат за настап на Зонски турнир во Футсл, што ќе се одржи во Велес, а од тука, доколку го повторат успехот, ги очекиваат регионалните натпревари и државното првенство во футсал во конкуренција на основни училишта.
Честитки за сите денешни учесници на натпреварите, а на шампионите им посакуваме среќа во натамошните фази во натпреварувањата.
