Ноќта 15 спрема 16 декември Гевгелија ја помина со првите минусни температури, најавувајќи студена декемвриска ноќ и студено утро, на една недела пред официјалниот почеток на зимата.
Најниската измерена температура во текот на ноќта во Гевгелиј беше -3,2 степени целзиусови, а утрото во 07:00 часот беа измерени -2,8 степени.
Минусни температури преовладуваа и во останатите градови во државата. Најстудено ноќва беше во Берово со имерени -6,3 степени, во Скопје со -5,7 степени, Битола – 5,4; Струмица – 5,1; Демир Капија – 4,8 степени.
За разлика од југоистокот кој беше под минусна температурна опсада, во северозападните краишта од државата ноќта беше потопла со температури од 0,1 степен во Маврови Анови, 0,2 степени во Претор, до 4,7 степени во Крушево.
УХМР најавува дека времето во следните денови, до крајот на седмицата ќе биде сончево со мала до умерена облачност и претежно тивко. Во утринските и ноќните часови по одделни котлини ќе има појава на магла.
Минималните температури во текот на ноќта ќе се движат од -5 до +4 степени, а дневните температури од 6 до 14 степени над нулата.
Времето ни’ најавува да се подготвиме за зимата!
