Измина 2025 лето господово, а со него и настаните кои ја одбележаа годината што затвори една четвртина од 21-от век.
Светот пулсираше со свое темпо, а Гевгелија со темпото кое му го наметнаа граѓаните и нивните односи кон општествените, домашни и светски збиднувања.
Нашите 1.115 објавени вести и новинарски прилози, како и 160 видео записи од сопствена продукција за настани и активности во Гевгелија и регионот, во текот на 365 денови ги донесоа и најпопуларните настани според интересот на публиката:
1. Најчитана вест – „Кривична пријава за здравствена работничка од Гевгелија“ со 13.263 посети на веста објавена на 30.01.2025 година;
2. По неа следува веста за „Уловен сом капиталец од 2,07 метри во водите на Вардар“ објавен на 15.07.2025 година, а прочитана 8400 пати.
Уловен сом-капиталец од 2,07 метри во водите на Вардар кај Гевгелија
3. Трета вест по читаност е „Почивај во мир Саше!“ со над 7.800 читатели кои од GevgelijaNET ја дознаа веста за трагичната смрт во сообраќајка на Сашо Делев, полициски службеник од МВР-ОВР Гевгелија, 48 годишен жител на Негорци.
4. Најпопуларно видео од продукцијата на GevgelijaNET е видеото од Лазаревата сабота и песната на лазаренките кои имаат над 255.000 прегледи и над 9,8 илјади лајкови со 510 коментари и реакции, 152 споделувања;
5. Најгледано видео со над 276.000 прегледи е исчистениот канало кај Топлец, Нов Дојран што е дел од системот „За спас на Дојранското езеро“ кое привлече огромен број на публика што ја одобруваше доброволната акција на Бранко и Самир од Дојран:
6. Трето видео по гледаност и популарност е орото на “Матурската танцова парада” со песната “Бисер Балкански” што го заиграа гевгелиските матуранти од СОУ “Јосиф Јосифовски” Гевгелија кое има над 138.000 прегледи од публиката:
7. Најпопуларни фотографии:
– Дочекајте ги Лазаренките на Лазарева сабота 12.04.2025 со над 1,7 илјади лајкови;
-Најмалата играорка на манифестацијата „Ѓура Мара“ во Миравци собра 1,4 илјади лајкови од читателската публика на GevgelijaNet на одржаната манифестација сред село
– Узреаја смоквите – август 2025 со 1,1 лајкови од публиката.
Спортската рубрика ќе има свој посебен избор на вести од достигнувањата на спортистите од Гевгелија и регионот за 2025 година, а овде издвојуваме:
8. Најгледано спортско видео – трката „Run Together“ – третата и единствена инклузивна трка во Македонија, што се одржа во Гевгелија во рамките на јубилејниот петти по ред спортски настан „November Run 2025“ со учество на 900 лица со попреченост, инвалидизирани лица, заедно со нивните помошници и придружници:
Ова се вестите, фотографиите, видео записите кои привлекоа најмногу интерес кај публиката во текот на 2025 година.
Продолжуваме со исто темпо во Новата 2026 година!
