Надежта сè уште не згаснува во Венецуела, каде спасувачките екипи продолжуваат со потрагата по преживеани по разорните земјотреси што ја погодија земјата. И покрај огромните последици и повеќе од 1.400 загинати, а десетици илјади се водат како исчезнати, што дополнително ја отежнува ситуацијата на терен. Спасувачите сè уште веруваат дека под урнатините може да има луѓе кои го преживеале катастрофалниот удар.
Еден од најголемите моменти на надеж се случи кога спасувачите извлекоа живи 9-месечно бебе и неговата мајка. Двајцата биле пронајдени под урнатините со полесни повреди, што повторно ја потврди важноста на секоја минута во спасувачките операции.
Во акцијата за спасување се вклучени повеќе од 1.600 странски спасувачи кои пристигнаа во Венецуела за да им помогнат на локалните екипи. Во најпогодениот регион Ла Гваира, жителите апелираат за испраќање дополнителна тешка механизација за побрзо расчистување на урнатините и пристап до местата каде што можеби има заробени лица.
Земјата беше погодена од најсилните земјотреси во последните повеќе од сто години. Првиот потрес бил со јачина од 7,2 степени, а кратко потоа следел уште посилен земјотрес со магнитуда од 7,5 степени.
Спасувачките служби велат дека времето е најголемиот непријател, бидејќи првите 48 до 72 часа се најкритични за преживување. Сепак, според експертите, луѓе можат да бидат пронајдени и по подолг период доколку имаат пристап до вода и храна.
Успесите на спасувачите дополнително ја зголемуваат надежта – екипите успеале да спасат и новороденче старо само 18 денови, после 32 часа од разорните потреси.
Oва е акцијата од спасување на три деца од кои најстарото има 11 години од под урнатините во Венецуела, после 76 часа поминати под урнатините.
Децата биле пронајдени под големи количини бетон и урнатини за време на интензивната спасувачка операција, која непрекинато ја спроведуваат домашните и меѓународните тимови за пребарување.
Според последните информации, најмалку 32 лица го загубиле животот, стотици се повредени, а областа Ла Гуаира официјално е прогласена за зона на катастрофа.
