Македонската актерка и пејачка, жител на Стар Дојран, победник на шоуто „Никад није касно“ во 2019 г., „супер бабичката“ Добрила Ивановска Чабриќ е веројатно најстарата возачка во Македонија која со својот автомобил ја „шпарта“ Европа.
Има 96 години и вози илјадници километри со автомобил.
– „Полицијата е шокирана“ вели таа. „Среќни се кога ќе ме видат“
Иако неодамна го прослави својот 96-ти роденден, поранешната победничка на „Никогаш не е доцна“ Добрила Чабриќ изгледа подобро од било кога, а нејзиниот младешки дух се огледува и во нејзиниот карактер и во активностите кои ретко кој би се осмелил да ги направи на нејзина возраст.
Добрила, која ги освои симпатиите на регионот кога пред пет години се истакна на натпреварот „Никогаш не е доцна“, сега повторно се најде на истото место, овој пат како гостин во големото студио Гранд, каде што дојде сама со автомобил. Кога победуваше имаше 91 година и ги освои срцата на публиката и на жирито со своите изведби, со песната и интерпретацијата.
Добрила Чабриќ неделава безбедно зад воланот, со автомобил стигна до Белград.
Многумина беа шокирани од фактот што таа со својата „Spark“ се возеше од македонскиот град Дојран до Кошутњак, поминувајќи 570 километри во еден правец.
Како што вели, ова за неа не е километража, бидејќи со своето возило патува низ цела Европа.
Добрила Чабриќ: „Се чувствувам како да лебдам“
Пејачката и највозрасна миленичка-победник на „Гранд“ потврди дека со автомобил дошла од југот на Северна Македонија во Белград и откри како реагира полицијата кога ја видела зад воланот на граничниот премин.
– „Веќе ме познаваат, па се радуваат кога ќе ме видат. Многу сум популарна и многу ме сакаат, па се чувствувам како да лебдам во некои убави години“ – изјави Добрила за Гранд и додаде дека не може да функционира без автомобил.
– „Се чувствувам како птица со крилја, толку долго го чекав автомобилот. Одличен е за мене, мал е удобен, економичен и не инспирира за лудории. Возам полека и безбедно“, изјави Доби.
Да потсетиме, откако победи во „Никогаш не е доцна“, сите ја прашуваа Добрила кој е рецептот за долг живот, но таа имаше само кратка порака:
– „Не постои рецепт за долговечност. Едноставно, сакајте го животот и не се предавајте на староста. Се таложат годините, но јас не им се предавам“ – рече Добрила и додаде дека сака да живее уште триесет години.
Како Добрила вози сама низ Србија, после гостувањето во шоуто „Никад није касно“ погледнете на овој ЛИНК:
