Ивана Коколанска, ученик на генерација 2020/2024 во СОУ,,Гоце Делчев” – Валандово, е одлична ученичка која има постигнато значајни успеси и награди на различни натпревари и манифестации. Во текот на своето образование, Ивана ја демонстрираше својата страст кон музиката, науката и хуманитарните активности. Нејзините достигнувања се значајни и бројни, што ја прави една од најистакнатите ученици во својата генерација.
Иако има само 18 години, матурираше оваа година, Ивана има освоено вкупно 55 награди, признанија и Златни медали за учество на домашни и меѓународни натпревари и настапи.
Последен и е настапот на 21-от Меѓународен фолклорен, танцов и музички фестивал „Римини-Фест“ 2024 во градот Римини во Италија.
Овде Ивана освои ПРВА награда и ЗЛАТЕН медал за настапот во групна изведба, септет со вокалната група во која учествува „Music soul“ од Гевгелија, а ВТОРО место и СРЕБРЕН медал за соло настап на истиот фестивал.
На Меѓународниот фестивал “РИМИНИ ФЕСТ” во Римини, Ивана блесна со својот талент. Нејзиниот извонреден перформанс како солист ѝ донесе II награда, додека во категорија состав со вокалната група „Music Soul“ освои I награда. Ова искуство не само што ја потврди нејзината музичка способност, туку и ја збогати со нови искуства и познанства на меѓународно ниво.
Настапот на „РИМИНИ ФЕСТ“ беше врвно искуство за Иванa, кој остави длабок впечаток и откри нови хоризонти за нејзиниот талент. Со својот магичен настап, Иванa успеа да го плени и жирито и публиката, и да се истакне во меѓународната конкуренција. Успехот на фестивалот го потврди нејзиниот посебен вокален дар и посветеност кон музиката.
– „Овој настап е посебен за мене, не само поради тоа што ја освоив втората награда, туку и поради тоа што ја претставува целата моја посветеност и љубов кон музиката. Костимот, како и целата сценографија, беа дел од приказната што сакав да ја раскажам преку песната. Нема ништо поубаво од чувството кога си на сцена и кога публиката го чувствува истото што и ти го чувствуваш. Меѓународната конкуренција беше силна, но тоа што ја донесов победата дома е доказ дека трудот и страста секогаш победуваат“ – изјави за GevgelijaNET младата победничка Ивана.
Таа ни’ посочи дека од есента ќе го продолжи своето образование на Медицински факултет на УКИМ во Скопје.
Ова е уште една потврда дека многуталентираната Ивана од Удово, Валандовско има и други интереси во животот, а тоа се медицинските науки и желбата да им помогне на луѓето во одржувањето на нивното здравје. А песната? Таа ќе остане вечна љубов на Ивана. А каде е песната таму е среќата, веселбата, љубовта, напредокот. Да и’ посакаме успех на оваа млада посветена девојка во остварувањето на своите амбиции и таленти.
Инаку, од училиштето на Ивана во Валандово велат дека Ивана со своите активности на многу полиња, но и докажани резултати, останува пример за младите генерации и гордост на своето училиште, СОУ “Гоце Делчев” – Валандово. Нејзината посветеност и успеси се инспирација за сите ученици и млади таленти во нашата заедница.
Освен блескавиот настап во Римини, ќе споменеме некои од нејзините веќе регистрирани успеси успеси:
1. Диплома за освоена I награда на Државниот натпревар по предметот музичка уметност (оркестар/бенд) (III година) АПСОЛУТЕН ПОБЕДНИК – РЕШЕНИЕ МОН
2. Диплома за освоено I (прво) место на Државниот натпревар по француски јазик за индивидуална франкофонска песна во категорија средно училиште 2024 – ЗЛАТЕН МЕДАЛ
Патување во Париз, Р.Франција како првонаградена, во период 6-9 јули 2024 година
3. Диплома за освоено I место категорија соло изведба, категорија состав – дует на МУЗИЧКИ ФЕСТИВАЛ ЕВРОПОРТА – ФЕСТ ГЕВГЕЛИЈА 2022
4. Освоена I награда во категорија ,,најдобра песна” (Молитвата на дрвото) на ГЛОБЕ ВИРТУЕЛНАТА СТУДЕНТСКА КОНФЕРЕНЦИЈА, ЕВРОПА И ЕВРОАЗИЈА 2024
Стипендија за учество на Студентска конференција Глобе на 22 април, во Р.Чешка
5. Диплома за освоена II награда на XIII-ти Меѓународен музички фестивал ,,ВИНОЖИТО НАД КЛЕПТУЗА”- Велинград, Р.Бугарија (соло изведувач) СРЕБРЕН МЕДАЛ
6. Добитник на 6-то Ноемвриско признание за постигнати резултати во областа на музиката
7. Пофалница за освоено III место на литературниот конкурс – ТАЈНАТА НА ХРАБРИТЕ по повод 60 годишниот јубилеј на ООУ,,Страшо Пинџур” – Јосифово
8. Диплома за освоено I место на хуманитарниот литературен конкурс “Биди нечие сонце”;
9. Диплома за освоено I (прво) место на Државниот натпревар по француски јазик за индивидуална франкофонска песна во категорија средно училиште 2024 – ЗЛАТЕН МЕДАЛ;
10. Освоена I награда во категорија „најдобра песна” (Молитвата на дрвото) на ГЛОБЕ ВИРТУЕЛНАТА СТУДЕНТСКА КОНФЕРЕНЦИЈА, ЕВРОПА И ЕВРОАЗИЈА 2024
Стипендија за учество на Студентска конференција Глобе на 22 април, во Р.Чешка.
Има уште награди, но се надеваме дека и со 10те наведени се оформува сликата за оваа талентирана ученичка за математиката, физиката, биологијата, музиката, првата помош, и оттука и определбата да студира Мадицина.
Ние само можеме да и’ посакаме успех во понатамошното школување и секако, ЧЕСТИТКИ ИВАНА!
