Во услови на широко распространета криза со глад во Појасот Газа, големи пратки со помош пристигнаа денес, 27 јули, за прв пат по месеци во опколената и загрозена крајбрежна област. Конвој од околу 100 камиони што носеа помош за страдалното население влезе во Појасот Газа преку граничниот премин Керем Шалом, според извори на палестинската територија, објави Хина.
Неколку часа претходно, израелската армија објави дека ќе спроведе дневна самопрогласена „тактичка пауза во воените активности за хуманитарни цели“ во делови од Појасот Газа од 10 часот наутро до 20 часот навечер до понатамошно известување.
Паузата се однесува на ал-Маваси на југозапад од крајбрежниот појас, Деир ал-Балах во центарот и градот Газа на север – области каде што израелската армија, како што вели, „не дејствува“.
Иако Израел го означи ал-Маваси како „хуманитарна зона“ претходно во војната, армијата постојано го напаѓаше подрачјето, убивајќи многу луѓе.
