Пепика Јаневска е 24 годишна девојка од Гевгелија, дипломиран економист која својата претприемачка иницијатива ја претворила во креативен бизнис создавајќи го брендот „Sparkle.mk“ и усреќувајќи многу од своите клиенти.
Производите кои ги осмислува, креира и изработува се наменети за празнични, убави семејно моменти и носта многу адоволство во текот на работата. За себе вели:
– „Деновиве, секое мое утро во работилницата започнува со чај, пораки и се радувам на првите празнични нарачки што пристигнуваат 🤍🎄 Се потсетувам колку е убаво кога секој мал пакет носи насмевка некому 😊🎅🏻 Овој период ми е најубав 🐿️ Целата работилница мириса на чај, пакети и љубов 💛🎁, а часовите поминати во изработка ме потсетуваат дека највредни се работите направени со љубов и внимание 💫 Секој производ оди со делче од моето срце ❤️, затоа што знам дека ќе стигне до некого што ќе се насмевне 🎄“ – вели Пепика. Погледнете и самите за да и’ поверувате:
– „Идејата за Sparkle се роди сосема спонтано пред една година, од мојата љубов кон празниците и желбата да создадам нешто светкаво и топло што ќе го донесе тој божиќен дух во домовите. Името Sparkle го избрав затоа што сакав да симболизира светлина, блескава атмосфера и празнична магија, нешто што веднаш асоцира на декември“ – вели Пепика за crnobelo.
Она што ја издвојува од останатата понудана пазарот е тоа што се обидува секој производ да изгледа како мало уметничко дело, а не само како украс. Пепика се труди да биде естетски, чисто и квалитетно изработено, но и да носи емоција. Луѓето го чувствуваат тоа, и токму тоа е нејзиниот препознатлив печат.
Нејзините производи се најчесто персонализирани новогодишни лампиони кои ги греат лицата на најмалите, со нивните имиња, или желби за Нова година.
Пепика вели „Обично купувачите сами си ги избираат боите, буквите, додатоците или стилот. Сепак, има и такви што ми велат: „Оставам на тебе, направи го да биде најубаво“. Мој совет секогаш е лампионот да се вклопи во боите на нивната елка и во стилот на домот – така секогаш изгледа најхармонично и најдекоративно. А ако некој не може да се одлучи, со задоволство го водам низ идеи и комбинации што ќе му одговараат“ – вели гевгелиската креаторка на празнична магија и семејна хармонија.
– „Многумина ми пишуваат дека подарокот ги разнежил, дека детето било пресреќно, дека личниот детаљ направил голема разлика. Тие искрени моменти и пораки ми значат најмногу. Ме мотивираат секој ден да започнам со нова идеја, нова декорација и уште повеќе љубов кон работата“.
Погледнето видео како Пепика ги создава своите празнични креации:
🎄Новогодишниот период носи чувство на надеж, нови почетоци и магија во малите детали, затоа овие декорации се создадени да внесат топлина, природност и празничен сјај во домот, како што е Празничната колекција комбинира рачно изработени гипсени калапи и свеќи од 100% природен пчелен восок, создадени со посебна грижа и внимание.💛
Вака изгледа претпразничната креативна динамика на гевгелиската креаторка на празнична магија. Има време за исполнување на уште желби и персонализирани нарачки. Пишете и’, нарачајте Ваш персонализиран украс за радост на семејството, за радост на саканите!
