Завршува учебната 2025/2026 година, некои ќе се вратат во септември во училишните клупи во еден клас погоре, а IX-то одделенците си заминуваат од основното училиште подготвувајќи се за средно образование.
Од благодарност за се’ што им прижи училиштетто во текот на нивната наобразба полуматурантите од ООУ „Владо Кантарџиев“ од Гевгелија подготвија Химна за своето училиште и нивниот патрон.
„Слушни во дворој весели звуци,
тоа се твојте правнуци,
весели звуци, песна и смеа,
од сонцето миг што изгрева.
Ученици сегашни, идни
бидете секогаш солидни
и пејте песни во градот
за Кантарџиев Владо“….
Во реализацијата на видеото учествуваа учениците:
Камера: Алекса Насковски, Сара Маркудова и Ана Урумова.
Монтажата е на Алекса Насковски.
Сите реквизити за видеото се изработени од учениците од ООУ „Владо Кантарџиев“ кој дадоа свој придонес во изработката на заедничкиот спомен и благодарност за патронот.
За херојот Владо Кантарџиев
Владо Кантарџиев е еден од 20-те загинати борци од Гевгелија кои се приклучиле кон НОВ на Македонија од првата половина на 1943 година до средината на 1944. Тој иако од сиромашно гевгелиско семејство успеал да заврши Економско училиште во Скопје.
Владо замина во партизани заедно со групата од 13 младинци од Гевгелија на 20 април 1944 година, вклучувајќи се во составот на Втората македонска ударна бригада. Загина како борец на истата бригада на 12.06.1944 година во близина на селото Страмашино, Кавадаречко, во борба со бугарската фашистичка полиција.
Владо поминал 14 месеци во партизани со пушка во рака, загинувајќи од непријателски куршум на своја 19 годишна возраст.
Во чест на овој храбар гевгелиски младинец, борец, скоевец кој го положил својот живот за слободата, полуматурантите од училиштето ООУ „Владо Кантарџиев“ од Гевгелија му посветија песна и снимија видео сеќавање за училишните денови во Основното училиште кое го носи името на овој загинат млад првоборец од Гевгелија.
„Ученици сегашни, идни
бидете секогаш солидни
и пејте песни во градот
за Кантарџиев Владо….“ – вака се пее во рефренот на Химната за Владо Кантарџиев.
Браво ученици! Вечна ти слава и благодарност хероју Владо!
