Новите атлетски имиња во Гевгелија доаѓаат од СОУ „Јосиф Јосифовски“ – тоа се средношколците Теодора Ристова и Андреј Кокалов кои освоија ТРЕТО место на ДРЖАВНОТО Првенство во атлетика за средните училишта во Македонија.
– Теодора Ристова освои БРОНЗА🥉 на трка од 800 метри, женски
– Андреј Кокалов освои БРОНЗА 🥉на трка од 1000 метри, машки
Од гевгелиското средно училиште како да не се изненадени во успехот, бидејќи нивните ученици доаѓаат од градот каде атлетиката е во подем и секојдневно низ улиците среќаваме самостојни лица кои трчаат за свој тренинг, кондиција, или за претстоен натпревар, па изјавија:
– „Љубовта и желбата за освојување на медал беше со самото доаѓање во нашето училиште…Но тоа не беше доволно, интересот беше и кај предметните наставници проф. Кирил Арнаудов и проф. Влатко Семенаков, кои се ментори на учениците, освојувачи на медали“.
На атлетското првенство за средношколци настапија и учениците Јована Дичева, Ангела Иванова, Сандра Ангова и Анастасија Зафирова и истите покажаа солидни резултати на атлетските патеки.
Настанот, Државното првенство во атлетика се одржа на 19 мај во Куманово, во организација на Федерацијата на училишен спорт на Македонија и Општинскиот Сојуз на училишни спортови во Куманово, од градот домаќин на спортскиот настан за 2026.
Градот на југот, градот на палмите, градот на смоквите, градот на леандрите… веќе станува и град на атлетиката која што младите се’ повеќе ја прифаќаат, благодарение на посветените спортски работници, професори, тренери, ментори, на кои што спортот не им е само извор за плата и работа туку поттик за спортски успеси и достигнувања преку системска едуација на новите генерации.
Честитки за медалоносците и посветените ментори!
