Со свечено отварање со музички точки, визуелни и танцови сценски изведби денеска започна Третиот меѓународен ракометен турнир во Бугарија каде учествуваат и кадетите на РК „Партизан“ од Гевгелија.
Тие денеска го имаа и првиот натпревар против РК „Inter Blagoevgrad“ и на паркетот покажаа достојна игра за да покажат дека Гевгелија од Македонија го има најдобриот стрелец. Така е, младиот 16 годишен Васко Зајков со постигнати 16 голови во еден натпревар беше денеска прогласен за најдобар стрелец на натпреварот.
Турнирот „Атанас Карабељов“ се одржува во општината Гоце Делчев во Бугарија. Организатор на истиот е РК „Пирин 64“ од домаќинската општина Гоце Делчев од Бугарија.
Освен нашите гевгелиски ракометари на Меѓународниот турнир учествуваат екипи од Турција и Бугарија. Од Македонија учествуваат уште РК „Астарион“ од Струмица и РК „Куманово“ од Куманово. Учествуваат младинци родени 2006 и 2007 година.
– „Се трудиме меѓународниот трунир да претставува празник за учесниците и публиката, да направиме едно врвно спортско шоу. Отварањето на турнирот го означи министерот за спорт на Бугарија што за нас значи големо достигнување како РК „Пирин 64“ од оштина Гоце Делчев“ – вели организаторот.
На турнирот РК „Партизан“ освен што ќе ги измери силите со своите врсници од регионот, може да изгради и мостови за соработка со останатите екипи што настапуваа на турнирот во Бугарија со цел во иднина да се одигруваат повеќе пријателски натпревари, за добрососедство и младинско-спортска соработка.
Напред кадети! СРЕЌНО и УСПЕШНО на терен!
