Добрила Чабрич Ивановска е најстарата активна пејачка на Балканот, победничка на музичкот талент шоу „Никад није касно“ во 2018 година и кандидат да доживее преку еден век со нејзината објавена биографија „На патот до стотата“.
Оваа супер бабичка, како што ја нарекуваа додека се натпреваруваше во шоуто за ветерани „Никогаш не е доцна“ е родена на 1. февруари 1928 година и веќе со децении живее во Дојран.
И како што и самата истакнала многу пати досега, токму Дојран и Дојранското Езеро и ја полнат душата со позитивна енергија, како и дружбата со пријателите и со нејзините бројни обожаватели.
Таа и денес вози автомобил и излегува во казино, а во шега знае да каже дека се уште и се лепат мажи како болви.
Куќата во Дојран, како што самата откри во една пригода, ја изградила сосема случајно, откако се вљубила на прв поглед во ова место. Денес таму ја посетуваат пријатели со цел да и’ го честитат роденденот и да и’ посакаат да и’ се оствари желбата за долговечност, и да вози автомобил, и да го вдишува чистиот воздух во Дојран, да ги полни очите со поглед кон езерото.
Потсетуваме, Добрила во текот на својата долгогодишна кариера им пеела и на Марија Калас и Оназис, Брижит Бардо и Урсула Андерс.
Таа во младоста била вистинска убавица и голема ѕвезда во Русија и на Кипар, а долги години играше и во театарски претстави.
Како што самата вели, таа е вегетаријанец, односно јаде многу малку месо и во главно се исхранува со овошје, зеленчук и салати.
Исто така не пие и не пуши, освен понекогаш во друштво, но како што самата вели, тоа изгледа лошо како кога на пиле ќе му ставите цуцла. „Тоа на мене не ми одговара“, изјави таа, а потоа додаде и дека се уште живее бурен живот и дека најчесто си легнува во раните утрински часови, за разлика од многу други стари луѓе.
Нашата Добрила денес го слави својот 98. роденден – погледнете каква убавица била во младоста
Таа се уште е најстарата активна пејачка на Балканот
Дека Доби го живее животот со полни гради покажува и нејзината страст кон пеењето кога победи на шоуто за ветерани „Никад није касно“ на свои 90 години, каде беше најстар кандидат од учесниците на талент шоуто.
