Репрезентацијата на Шпанија ќе игра во четвртфиналето на Светското првенство. Европските шампиони ја победија Португалија со 1:0. Микел Мерино со голот во 91-та минута ги испрати дома Португалците.
На стадионот во Далас, Шпанците ја котролираа играта од првата минута. Имаа три доби шанси во првото полувреме. Се истакна Диого Кошта кога во неколку секунди ги одбрани ударите на Јамал и Баена. Португалците најдобрата шанса во првиот дел ја имаа преку Нуно Мендеш, неговиот удар успеа со глава да го изблокира Поро, а топката потоа заврши во пречката.
Ова беше единствената вистинска шанса за Португалија, се до 96-та минута.
Вториот дел не донесе речиси никакви возбудувања. Португалците како свесно да одеа на продолженија, Шпанците притискаа но не со голем интензитет свесни дека и мала грешка може скапо да ги чини.
На крајот решија селекторските замисли, односно измените што ги направија. Португалскиот селектор, Мартинез, не погоди со ниту еден играч што го испрати на теренот од клупата за резерви, а очигледно дека немаше храброст, повторно да го извади од игра Роналдо.
Шпанските резервисти ја режираа победата, Феран Торес му асиситираше на Мерино во 91-та минута. До крајот во 96-та, ударот со глава на Бернардо Силва заврши за малку над голот.
На стадионот делириум:
Ова значи крај за Португалија на Светското првенство.
Ова е и Последен мундијал за Роналдо
Со елиминацијата на Португалија заврши и една од најголемите мундијалски приказни во историјата. Четириесет и едногодишниот Кристијано Роналдо остана без трофејот што најмногу го посакуваше во кариерата.
Светскиот шампионат во 2026 година беше неговата последна можност да го освои единственото големо признание што недостига во неговата богата колекција.
Овој пораз означи и дефинитивен, тажен крај на мундијалската кариера на еден од најголемите играчи во историјата на фудбалот. На 41-годишна возраст, Кристијано Роналдо го одигра својот последен натпревар на Светските првенства. Легендарниот Португалец остана целосно отсечен на теренот, забележувајќи само 12 допири со топката во целото прво полувреме, а по последниот свиреж на судијата не можеше да ги сопре солзите додека очајно аплаудираше кон португалските фанови зад голот. Неговиот сон да го освои единствениот голем трофеј што му недостигаше во култната кариера дефинитивно згасна во Тексас.
Шпанија во четвртфиналето ќе се соочи со САД или Белгија, односно со победникот од нивниот дуел.
